مش موافقة

يناس بقي مالكوش في دي حياتي انا مش عاوزة اتجوووووووووووووز
لا هتجوز الولد اللي بيحبني ولا العريس اللي جايباه خالتو
ولا حتي اخو صاحبتي ولا ابن زميل بابا ولا قريبي
كبروا دماغكوا ارجوكوا انسوا الموضوع ده
وصدقوني انا مش مغرورة
انا بس كده بجد مبسوطة اوى..........1
=================================
انا اتجوز طاب ليه اذا كان جواز بالنسبة ليا حب ورومانسية
عالم جميل مش بياخد في اعتباره الا بوجود حبيبين
بعيد عن اي مشاكل مادية او اجتماعية او اي حاجة تانية
يعني اتنين مجرد وجودهم مع بعض يكيفهم علشان يعيشوا
اسعد من ملكين.......ممكن يفطروا ويتغدوا ويتعشوا حب
ايه المشكلة
حد اديه حياتي مقابل نظرة من عينيه
حد ابتسامة منه تنورلي مستقبلي
حد يخليني استغني بيه عن نفسي
حد من غير مايتكلم احس بيه
حد يبني معايا عالم من اتنين
حد بس موجود في احلامي
كل الناس الي متجوزين واللي مخطوبين
واللي بس مرتبطين
كلهم بيحبوا بعض
بس مجرد حب عادي
بتعكر صفائه حاجات تافهه مثلا مفيش دبلة اومفيش شقة
او مفيش اكل في البيت او عاوزة فستان جديد
حاجات كدة ........ايوا في حب وبيعيش
بس مش ده اللي انا بحلم بيه
ليه بقي اوافق علي حاجة انا شايفاها عادية
ومش حاسه انها هتخليني احقق حلمي
.....................................................................
ده اللي انا شايفاه وفي الاخر كل شئ نصيب
يعني ممكن اوي انا اللي اجي فيوم اقول انا عاوزة اتجوز
بس سيبوني براحتي
سيبوني اختار مستقبلي

رجعت ريما لعادتها القديمة

مر شهر رمضان (الحمد لله) بخير وسلام,حاول الجميع جاهدين ان يرضوا الله
بالصوم ,الصلاه ,الدعوة الي الخير ,اطعام المساكين وزيارة الايتام وغير ذلك كثير وكثير
اعمال بناءة جعلتني افتخر بي وبابناء جيلي من صارعوا لعمل الخير وكانوا كثيرون للاسف
نعم للاسف .......لا تتعجبوا فنسبة لا تقل عن عن 80% ممن اعرفهم تحولوا من هذا الملاك الطاهر
من كان ينير وجهه بنور الايمان ومن كان خاشع القلب في كل الاوقات
تحولوا الي اسؤ مما كانوا عليه ربما لتعويض الخير الذي اكتسبوه من رمضان!!!!1

ما علينا بدا التغير من ليلة العيد امسك الجميع بهواتفهم المحمولة وعادت الرنات الي ماكانت عليه
من غير امثلة انتوا عارفين
واول يوم عيد امتلات القهاوي والكافتيريات بمحبي الشيشة من البنين وللاسف من البنات
وبدلا من صلاة التراويح اصيحت الام ترجو ولدها ليصلي الظهر قبل ان يؤذن العصر
ويعود الشباب الي بيوتهم قبل الفجر بدقائق متجهين الي الفراش ليصلي الصبح مع الظهر مثلا
وعاد وعاد وعاد الكثير والكثير ........ذهب الجو الرمضاني الجميل عله ياتي بعد عام
ليمحي من ذاكرتي ما ساراه خلال 11 شهر مقبل
اما عن كلمة للاسف ,,,,,,لم اكن اقصد بها انه للاسف صارعت الناس من اجل الخير في رمضان
بل قلتها لاني تاكدت من رائيى ( انه لم يعد هناك امل فينا فمهما استطعنا ان نفيق تكون افاقتنا مؤقتة
ثم نعود الي اغمائتنا من جديد) منتظرين شئ اخر يفيقنا ايام ربما شهور الي ان نعود الي اغمائه ثانية
لا اريد ان اشعر احدا باليأس لاني وبرغم هذا لايزال لدي امل كبير فانا اثق
بنفسي واثق بجيلي فمن اعتمر قلبه بهذا الخير الذي ملأ المساجد وملاجئ الايتام ودور المسنين واطعم المساكين
في رمضان لا يجب ان يكون مصيره تلك الاغمائة القاتلة لانه للاسف لا اعلم ماذا لو استمر حالنا هكذا,,,
الي اين سنصل اسؤ مما وصلنا ؟!!!! ليتنا نعود فرسانا كما قرات عن قادتنا القدامي في كتب التاريخ
فيارب ساعدني ان افيق وان افيق من حولي.......................................................1

بجد رئيكوا مهم جدا بالنسبة لي وياريت اكون حكمت علي الموقف بصورة غلط )

(وان الناس تكون مش زي ما ان شايفاهم عايشين في غيبوبة

من زمان وانا بسمع عن البلوج لكن لم يكن لدي احساس اني اريد قول ما بداخلي لغيري
ولكني لا اعرف لمذا في هذا الوقت بالذات اردت ان اتكلم بصوت عالي لاكد لنفسي اني بالفعل هكذا ولا اسطنعني .
اردت ان يكون لي اصدقاء اخرين استمع الي خواطرهم قبل ان يسمعوا لي... اعبر لهم عن رائي فيما يفكرون
ويهدون لي انتقاضاتهم لما افكر فيه
وعندما بحثت عن عنوان لمدونتي لم اجد سوي السؤال الذي ابحث عن اجابته بداخلي منذ فترة ليست بقصيرة
am i kind????
هو انا بجد طيبة؟؟؟؟
كل الناس بتشوفني كدة وكل تصرفاتي بتاكدلي ده.. يعني بحب الناس جدا.. وبعمل كل حاجة علشان احل اي مشكلة تخص اللي انا اعرفهم...1
وبعمل كل اللي بقدر عليه حتي ارضي ربي سبحانه وتعالي

ولكن المشكلة اني وضعت بين نارين . بجد نار اني اكون انا ونار اني ارضي كل الناس اللي بتحبني , اهلي صحابي يعني,
(.يمكن مش فاهمني ....)
بصراحة في حاجة العادي والمفروض انها تكون مستقبلي لكني برفض المستقبل ده ولم اعد احلم بهذا المستقبل

هذا ما ولد بداخلي احساس اني اصبحت كما الكثيرون, فقط افكر في مصلحتي اولا

حتي ولو كانت هذه المصلحة ستعذب اناس يحبونني واحبهم... ولكني لا اريد ان اضحي بعمري لاسعدهم
ربما اذا فعلت ذلك ياتي الوقت الذي احملهم فيه ما ساصبح عليه

يمكن ان الانسان يفكر في مصلحته الاول ده شئ طبيعي ولكن لاني طول عمري بفكر في الناس الاول وجدتني لا اتحمل
وجدتني اشعر بذنب شديد رائيتني كما الشيطان بعد ان كنت اراني الملاك

ده سبب اختياري لاسم البلوج ده اما عن مدوناتي فانا هنزلها قريب وهستني رايكوا فيها

وكل سنة وانتوا كلكو بالف خير